ایم ڈی سہیل علی خان نےپی ٹی وی بولان ٹرانسمیٹر کا افتتاح کیا

کوئٹہ ( پی آئی ڈی ) وفاقی سیکرٹری اطلاعات و نشریات /ایم ڈی پی ٹی وی سہیل علی خان اپنے دو روزہ

کوئٹہ کے دورے کے موقع پر پی ٹی وی سینٹرز کوئٹہ کا دورہ کیا اور پروڈکشن کے معیار کا جائزہ لیا۔

ڈائریکٹر انجینئرنگ عارف نور بھی ہمراہ تھے۔ ایم ڈی پی ٹی وی نے ریجنل لینگویجز کے سب سے بڑے نیٹ

ورک پی ٹی وی بولان کے پہلے ٹرانسمیٹر کا افتتاح کردیا۔

جدید ٹرانسمیٹر انسٹالیشن سے بولان کی نشریات اب UHF عام انٹینا سے بھی دیکھی جاسکیں گے۔

ایم ڈی پی ٹی وی سہیل علی خان کو ڈائریکٹر انجینئرنگ عارف نور اور انجینئیرنگ مینیجر کوئٹہ سینٹر سید نبو

جان آغا نے ٹرانسمیٹر تنصیب اور نشریات کے حوالے سے بریفنگ دی۔

اس موقع پر سیکرٹری اطلاعات و نشریات ایم ڈی پی ٹی وی سہیل علی خان نے کہا کہ 500 واٹ ٹرانسمیٹر

کی تنصیب کے بعد بولان کی نشریات کا نیٹ ورک مذید بڑھ گیا ہے۔

اب بولان کی نشریات ان علاقوں میں بھی دیکھی جاسکیں گی جہاں کیبل یا ڈش انٹینا کی سہولت موجود نہیں۔

انہوں نے کہا کہ ٹرانسمیٹر انسٹالیشن کے بعد مذید 30 سے 35 لاکھ لوگ پی ٹی وی فیملی کا حصہ بن جائیں

گے۔

ایم ڈی پی ٹی وی سہیل علی خان نے کوئٹہ میں ورچوئل اسٹوڈیوز بنانے کے احکامات بھی دئیے۔

کوئٹہ سینٹر دورے میں جنرل مینیجر سید فہیم شاہ نے وفاقی سیکرٹری اطلاعات و نشریات / ایم ڈی پی ٹی وی

کو نیوز، کرنٹ افئیرز اور پروگرامز کے حوالے سے بریفنگ دی۔

انہیں بتایا گیا کہ کوئٹہ سینٹر سے براہوی، بلوچی اور پشتو زبانوں میں پروگرام نشر کئے جاتے ہیں۔

علاوہ ازیں سی بی اے مشعل یونین نے بھی ایم ڈی پی ٹی وی سے ملاقات کی۔

ایم ڈی سہیل علی خان نے پاکستان ٹیلیوژن کوئٹہ سینٹر میں ٹیکنیکل ایریا سمیت دیگر سیکشنز کا بھی دورہ

کرکے معائنہ کیا۔

وفاقی سیکرٹری اطلاعات و نشریات/ منیجنگ ڈائریکٹر سہیل علی خان کو پی ٹی وی کوئٹہ کے مختلف شعبوں

کے سربراہان نے اپنے اپنے شعبوں کی زمہ داریوں اور پرفارمنس سے بھی آگاہ کیا۔