Khabardar E-News

ہنڈریڈ فارمیٹ میں محمد عامر سب سے مہنگے پاکستانی کرکٹر

124

Get real time updates directly on you device, subscribe now.

دنیائے کرکٹ میں انگلینڈ کی جانب سے متعارف کروائے گئے نئے فارمیٹ ’’دی ہنڈریڈ‘‘ کے ڈرافٹ کے لیے متعین فہرست میں شامل کھلاڑیوں میں محمد عامر پاکستان کے سب سے مہنگے کھلاڑی ہیں۔

مذکورہ فارمیٹ کا افتتاحی ٹورنامنٹ انگلینڈ اور ویلز کرکٹ بورڈ (ای سی بی) کی جانب سے آئندہ برس منقعد کیا جائے گا جس کے لیے ٹیموں میں منتخب ہونے کے لیے کھلاڑیوں کی فہرست تیار کرلی گئی ہے۔

کھلاڑیوں کا انتخاب بولی سے ہی کیا جائے گا جس کے لیے کھلاڑیوں کی کم سے کم قیمت متعین کردی گئی ہے۔

اس فہرست میں پاکستان کے 35 کھلاڑیوں کو بھی شامل کیا گیا ہے، جن میں محمد عامر سب سے مہنگے کھلاڑی ہیں، اُن کی بولی کے لیے کم سے کم قیمت ایک لاکھ پاؤنڈ (ایک کروڑ 99 لاکھ 55 ہزار روپے) متعین کی گئی ہے۔

عالمی درجہ بندی میں نمبر ایک ٹی ٹوئنٹی بیٹسمین بابر اعظم، آل راؤنڈر محمد حفیظ اور اسپنر شاداب خان کے لیے 75 ہزار برطانوی پاؤنڈ (ایک کروڑ 49 لاکھ 66 ہزار روپے) متعین کیے گئے ہیں۔

دیگر کھلاڑیوں میں شعیب ملک، شاہد آفریدی، شاہین شاہ آفریدی، فہیم اشرف، عثمان شنواری اور وہاب ریاض شامل ہیں جن کی بولی 60 ہزار برطانوی پاؤنڈ (ایک کروڑ 19 لاکھ 73 ہزار روپے) متعین کیے گئے ہیں۔

آصف علی، محمد عباس اور عماد وسیم کی بولی 50 ہزار پاؤنڈ (99 لاکھ 77 ہزار روپے) جبکہ عمر اکمل، حسن علی، محمد حسنین اور فخر زمان کی بولی 40 ہزار پاؤنڈ (79 لاکھ 82 ہزار روپے) سے شروع ہوگی۔

علاوہ ازیں ڈرافٹ کی فہرست میں 18 پاکستانی کھلاڑی ایسے ہیں جن کے لیے کوئی رقم متعین نہیں کی گئی۔

Comments are closed.