بلوچستان حکومت کی ناائلی ،ادویات خرید نہ سکے7ارب روپے لیپس کرگئے

کوئٹہ ( خبردار نیوز) بلوچستان حکومت کی صحت شعبے کواولین ترجیح دینے کے دعوئے صرف دعوئے

ثابت ہوگئے اور پچھلے بجٹ میں ادویات اور سامان کی خریداری کے لیے رکھے گئے 7ارب روپے خرچ نہ

ہونے کے باعث لیپس ہوگئے

اس باات کا انکشاف صوبائی وزیر صحت سید احسان شاہ نے کوئٹہ میں سول سنڈیمن ہسپتال میں ای این ٹی

یونٹ  3 کی افتتاحی تقریب سے  خطاب  کے دوران کیا اس موقع پر ممتاز معالج ناک کان گلہ ڈاکٹرشیرزمان

مندوخیل بھی موجود تھے

انہوں نے کہا کہ گزشتہ بجٹ میں محکمہ صحت میں ادویات کی خریداری کے لئے رکھے گئے 7ارب روپے

لیپس ہوگئے

بدقسمتی سے ایک جانب سرکاری اسپتالوں میں مشینری سمیت ادویات ناپید دوسری جانب محکمہ صحت بجٹ

میں مختص رقم خرچ نہ کرسکی

انہوںے نے 7ارب روپے فنڈز خرچ نہ ہونے کا اعتراف بھی کرلیا اور کہا کہ اسکی ایک بڑی وجہ ایک سال

کے دوران محکمہ صحت کے 7سیکرٹریز کا آنا جانا رہا

صوبائی وزیر صحت کے مطابق محکمہ صحت کی پریکیورمنٹ کمیٹی بھی ایک سال سے غیر فعال ہےکمیٹی

نے صرف چند اجلاس کئے خریداری نہیں کی

انہوں نے کہا کہ ایک سال میں 7سیکرٹریز کے تبادلوں سے محکمہ صحت پر اثرات پڑےافسوس ہوا کہ 7 ارب

روپے میں سرکاری اسپتالوں میں بہت سے کام ہوسکتے تھے جو نہیں ہوئے،

صوبائی وزیر صحت کے مطابق ینگ ڈاکٹرز نے کہی بار سرکاری اسپتالوں میں مشنیری کی عدم دستیابی

سمیت دیگر سہولیات کے فقدان پر احتجاج بھی کئے لیکن حکومت اس پر عمل نہ کرسکی