Khabardar E-News

حب ریلی کا ساتواں ایڈیشن 19جنوری سے شروع ہوگا

228

Get real time updates directly on you device, subscribe now.

ریلی میں ملک کے صف اول کے ڈرائیور ایکشن میں نظر آئیں گے
حب (اسپورٹس نیوز)پاکستان کی سب سے مقبول حب ریلی کراس کا ساتواں ایڈیشن 19جنوری 2020 سے حب میں سجے گا، جس میں ملک کے صف اول کے ڈرائیور ایکشن میں نطر آئیں گے۔ چیف آرگنائزر شجاعت شیروانی نے حب ریلی کے حوالے سے کراچی پریس کلب میں پریس کانفرنس کی ۔اس موقع پر ریلی میں شرکت کرنے والے ڈرائیورز رونی پٹیل، دفاعی چیمپئن آصف امام، عامر مگسی اور ندیم خان کے علاوہ خواتین میں ٹشنا پٹیل بھی موجود تھیں۔ شجاعت شیروانی نے بتایا کہ18جنوری کو ڈرائیور ٹریک کا جائزہ لیں گے اور 19جنوری کو مقابلے ہوں گے، حب ریلی کے ٹریک کو بڑھا کر 20 کلو میٹر تک کردیا گیا ہے، پہلے یہ ریس 10 کلومیٹر پر مشتمل ہوا کرتی تھی۔20 کلومیٹر پر مشتمل ٹریک پاکستان کا سب سے چھوٹا ٹریک ہے لیکن خطرناک موڑ، پتھریلے، ریتیلے اور دشوار گزار راستوں کی وجہ سے ڈرائیورز کے لیے حب ریلی کا ٹریک سب سے دلچسپ رہا ہے، کیونکہ یہاں پر رفتار اور توازن کو برقرار رکھنا ڈرائیورز کے لیے بڑا چیلنج ہوتا ہے، یہی وجہ ہے کہ حب ریلی کے لیے ڈرائیور سالہا سال انتظار کرتے ہیں۔اسٹاک کیٹگری میں شریک ڈرائیورز کی ریس صرف ایک لیپ پر مشتمل ہوگی۔

Comments are closed.