امید ہے ایران کےاعتراف سے کشیدگی میں کمی آئیگی ،شاہ محمود قریشی

پاکستان کاموقف ہے کہ خطہ مذید کسی کشیدگی یالڑائی کامتحمل نہیں ہوسکتاہم کشیدگی کم کرانے کےلئے اپنابھرپور کردار اداکرتے رہیں گے ،وزیرخارجہ
وزیر خارجہ شاہ محمود قریشی کو ترک ہم منصب کا ٹیلی فون، کوئٹہ دھماکے میں شہادتوں پراظہار افسوس،خطے میں امن کےلئے پاکستانی کوششوں کی حمایت کرتے ہیں ترکی
اسلام آباد(آن لائن) وزیر خارجہ شاہ محمود قریشی کوترک ہم منصب میولوت چاوش اوگلو نے ٹیلیفونک رابطہ کیا ، بلوچستان کے شہر کوئٹہ میں ہونے والے بم دھماکے میں شہادتوں پر افسوس کا اظہار کیا ۔میڈیا رپورٹس کے مطابق ترک وزیر خارجہ نے کوئٹہ میں ہونے والے دہشت گردی کے واقعہ کی مذمت کی، قیمتی جانوں کے ضیاع پر وزیر خارجہ مخدوم شاہ محمود قریشی سے تعزیت کی۔ترک وزیر خارجہ میولوت چاوش اولو نے بلوچستان کے دارالحکومت کوئٹہ میں ہونے والے دلخراش واقعے پر ترکی کی طرف سے پاکستان کے ساتھ اظہار یکجہتی کیا۔دونوں رہنمائوں کے درمیان ٹیلیفونک رابطے کے بعد ترکی نے خطے میں خطے میں قیام امن کے لیے کی جانے والی تمام پاکستانی کاوشوں پرمکمل حمایت کی یقین دہانی کرا دی۔ میولوت چاوش نے ایران، امریکا کشیدگی میں کمی کے لیے پاکستان کی کوششوں کوسراہا۔ٹیلیفونک رابطے کے دوران وزیر خارجہ شاہ محمود قریشی نے اپنے آئندہ دورہ ایران، سعودی عرب، امریکا سے آگاہ کیا۔ٹیلیفونک رابطے کے دوران ترک وزیرخارجہ نے اپنے حالیہ دورہ عراق سے اپنے پاکستانی ہم منصب کو آگاہ کیا، دوران گفتگو مشرق وسطی کی صورتحال پر بھی تبادلہ خیال کیا گیا۔ یاد رہے کہ مشرق وسطی میں کشیدگی کے بعد وزیراعظم عمران خان نے سماجی رابطے ویب سائٹ ٹویٹر پر ٹویٹ کرتے ہوئے کہا تھا کہ وزیر خارجہ شاہ محمود قریشی ہنگامی طور پر دوست ممالک کے دورے کریں، ایران، امریکا، سعودی عرب جائیں جبکہ آرمی چیف جنرل قمر جاوید باجوہ متعلقہ ممالک کے عسکری حکام سے بات کریں۔س سے قبل وزیر خارجہ شاہ محمود قریشی نے قومی اسمبلی میں خطاب کرتے ہوئے کہا تھا کہ پاکستان اور ترکی کے درمیان تعلقات صحیح راستے پر چل رہے ہیں جبکہ ترکی کے صدر رجب طیب اردوان آئندہ ماہ پاکستان آئیں گے جبکہ وزیراعظم عمران خان کا ملائیشیا کا دورہ بھی آئندہ ماہ متوقع ہےعلاوہ اذیںوزیر خارجہ شاہ محمود قریشی نے کہا ہے کہ ایران نے حادثاتی طور پر طیارہ گرانے کا اعتراف کیا ہے، اُمید ہے اس سے تشویش میں کمی آئے گی۔ایک بیان میں شاہ محمود قریشی نے کہا کہ پاکستان کا موقف ہے کہ خطہ مزید کسی کشیدگی یا لڑائی کا متحمل نہیں ہو سکتا۔انہوں نے مزید کہا کہ کشیدگی کم کرنے کے لیے کردار ادا کرتے رہیں گے۔وزیر خارجہ نے یہ بھی کہا کہ وہ وزیر اعظم کی ہدایت پر ایران روانہ ہو رہے ہیں، سعودی عرب اور امریکا بھی جائیں گے۔واضح رہے کہ ایران نے اعتراف کیا ہے کہ ایران میں گرنے والے یوکرین کا مسافر طیارہ میزائل کا نشانہ بن کر تباہ ہوا، ایران کی فوج نے غلطی سے یوکرین کے مسافر طیارے کو نشانہ بنایا۔