بلوچستان،خواتین پرجسمانی، معاشی اور نفسیاتی تشدد کا تشویشناک اضافہ

 وزارت انسانی حقوق نے کوئٹہ کی مقامی کمیونٹیز کے لیے خواتین کے حقوق اور صنفی بنیاد پر تشدد  کے   بارے میں آگاہی اور حساسیت کے پروگرام کا انعقاد کیا۔

تقریب کا مقصد خواتین اور جی بی وی کے حقوق، معاشرے پر اس کے منفی اثرات اور کمیونٹی پر مبنی 

اقدامات کے ذریعے اس سے نمٹنے کے طریقوں اور ان مسائل کے حل میں انسانی حقوق کی وزارت کے

کردار کے بارے میں کمیونٹیز کی سمجھ کو بڑھانا تھا۔ .

تقریب میں خواتین کے حقوق، خواتین کے حامی قوانین، ادارہ جاتی، بحالی، ریفرل اور  پسماندگان کے لیے

دیگر حفاظتی اقدامات جیسے شعبوں پر توجہ مرکوز کی گئی۔

سیشن میں خواتین، طلباء، خواجہ سراؤں، سول سوسائٹی کے نمائندوں، وکلاء، ایجوکیشن آفیسرز، ہیلتھ افسران،

ضلعی انتظامیہ کے افسران اور میڈیا سمیت مختلف کمیونٹیز کے 145 سے زائد شرکاء نے شرکت کی۔

محکمہ ترقی نسواں کوئٹہ کی محترمہ عنبرین گلند محترمہ روبینہ زہری نے کہا کہ تشدد صرف جسمانی ہی

نہیں بلکہ تشدد کی دیگر اقسام بھی ہیں جیسے معاشی اور نفسیاتی تشدد۔

شہزاد احمد خان، ڈائریکٹر-آئی سی، وزارت انسانی حقوق نے جی بی وی کے خلاف تحفظ کے قوانین، ان کی

دفعات، جرائم اور سزاؤں کے بارے میں تفصیل سے بتایا۔

انہوں نے کہا کہ خواتین پاکستان کی نصف سے زیادہ آبادی پر مشتمل ہیں۔ معاشی، جسمانی اور نفسیاتی تشدد

انہیں رسمی یا غیر رسمی معیشت میں شامل ہونے سے روکتا ہے

جو نہ صرف متاثرین اور ان کے خاندانوں کو نقصان پہنچاتا ہے بلکہ یہ پوری قوم کی معاشی ترقی میں بھی

رکاوٹ بنتا ہے۔

محترمہ فوزیہ شاہین، بلوچستان کمیشن برائے خواتین کی حیثیت اور محترمہ فرخندہ اورنگزیب این سی ایچ آر،

ممبر بلوچستان نے خواتین کے حقوق اور جی بی وی سے متعلق بلوچستان میں مختلف قوانین کی وضاحت کی۔

کوئٹہ میں عورت فاؤنڈیشن کے ریذیڈنٹ ڈائریکٹر علاء الدین خلجی نے کوئٹہ میں خواتین کو کی زندگیاں بچانے

اور دستیاب سہولیات/ علاج، مجرموں کو سزا اور دیگر جی بی وی سے متعلق مسائل کے بارے میں تفصیل

سے بتایا۔