ایک کروڑ نوکریاں اور 50 لاکھ گھر کہاں گئے؟ سپریم کورٹ میں درخواست دائر

کراچی: ایک کروڑ نوکریاں اور 50 لاکھ گھر بنانے سے متعلق وعدہ پورا نہ کرنے پر وزیر اعظم عمران خان کے خلاف سپریم کورٹ میں درخواست دائر کردی گئی۔

دائر درخواست میں شہری احسان علی بھٹو نے مؤقف اپنایا ہے کہ وعدہ پورا نہ کرنے پر وزیراعظم پاکستان کو نااہل قرار دیا جائے، وزیراعظم نے کہا تھا کہ ایک کروڑ نوکریاں دیں گے جب کہ 50 لاکھ گھر بنانے کا دعویٰ بھی صرف دعویٰ ہی رہا۔

درخواست گزار نے مزید کہا کہ وزیراعظم نے 100 دن میں انقلابی کام کرنے کے دعوے کیے جو پورے نہیں ہوئے، عمران خان نے پاکستانی عوام سے جھوٹ بولا۔

مزید برآں درخواست میں وزیر خزانہ عبدالحفیظ شیخ، چیف الیکشن کمشنر، چیئرمین ایف بی آر، گورنر اسٹیٹ بینک کو بھی فریق بنایا گیا ہے۔