Khabardar E-News

کوئی معاشرہ خواتین کی شرکت کے بغیر ترقی نہیں کر سکتا :جام کمال

141

Get real time updates directly on you device, subscribe now.

وزیرا علیٰ بلوچستان جام کمال خان نے کہا ہے کہ کوئی معاشرہ خواتین کی شرکت کے بغیر ترقی نہیں کر سکتا۔

تفصیلات کے مطابق خواتین عالمی دن کی مناسبت سے وزیر اعلیٰ بلوچستان جام کمال خان نے اپنے ایک  پیغام میں کہا کہ  بلوچستان حکومت خواتین کو تمام شعبوں میں شمولیت کے مساوی مواقع فراہم کرنے کیلئے پرعزم ہے۔

اپنے پیغام میں وزیرا علیٰ بلوچستان  نے کہا کہ معاشرہ میں خواتین سے متعلق پالیسیوں میں صلاحات کر کے باقاعدہ ترقی کے سفر کا آغاز کر دیا ہے۔

جام کمال خان نے یہ بھی کہا کہ چادر اور چار دیواری کے تقدس کو برقرار رکھتے ہوئے ہر شعبے میں خواتین کو مواقعے دے رہے ہیں اور صنفی مساوات اور ترقی نسواں کی پالیسی کا حامی ہوں ۔

وزیرا علیٰ بلوچستان جام کمال خان نے مزید کہا کہ خواتین کی ترقیاتی عمل میں شرکت یقینی بنا کر پائیدار ترقی کے اہداف کا حصول ممکن ہوسکے گا۔

اس سے قبل بھی  وزیراعلیٰ بلوچستان جام کمال خان نے کوئٹہ میں انسانی حقوق اور خواتین کے حقوق کے تحفظ کی متحرک کا رکن ڈاکٹر فوزیہ سعید سے ملاقات کی تھی۔

ملاقات میں ہراسگی کے واقعات کی روک تھام اور خواتین اور بچوں کو تحفظ کی فراہمی سے متعلق امور پر تبادلہ خیال کیا گیا جبکہ قومی ہراسمنٹ ایکٹ کی روشنی میں بلوچستان میں بھی ہراسگی کے واقعات کے خلاف موثر لائحہ عمل کا جائزہ لیا گیا تھا۔

جام کمال خان نے یہ بھی کہا  تھاکہ اس حوالے سے ضروری قانون سازی بھی کی جائے گی جبکہ صوبائی، ڈویژن اور ضلع کی سطح پر ہراسگی کے واقعات کے تدارک کے لئے خصوصی سیل قائم کئے گئے ہیں جن کی نگرانی کے لئے وزیراعلیٰ سیکریٹریٹ میں بھی سیل قائم کردیا گیا ہے۔

وزیراعلیٰ بلوچستان جام کمال خان نے ڈاکٹر فوزیہ سعید سے ہونے والے ملاقات کے دوران بات چیت کرتے ہوئے کہا تھا کہ صوبائی حکومت خواتین و بچوں کو جسمانی طور پر ہراساں کئے جانے کے واقعات کی موثر روک تھام اور خواتین کوتحفظ کی فراہمی کے لئے موثر اقدامات کررہی ہے۔

Comments are closed.